KOMUNIKADO
Redakshonnan Ekonómiko
i Nashonal

Di 13 ‘Handelsmissie’ 25/26-11
Hasi negoshi duradero den Reino nobo
Den Haag, 1 di òktober 2010 – E di 13 ‘Handelsmissie’ titulá ‘Hasi negoshi den Reino Hulandes nobo’ lo tuma lugá dia 25 i 26 di novèmber na Hotel Des Indes, Den Haag. E evenemento aki ta dirigí riba e oportunidatnan nobo pa hasi negoshi den e Reino Hulandes restrukturá. Partisipantenan ta gobièrnu, kompanianan i instansianan for di partinan Karibense den Reino Hulandes i Hulanda mes. Pa mas informashon bishita: InterExpo.biz òf CaribbeanIslandPride.org

E konsentrashon di e 13 ‘handelsmissie’ lo ta riba inovashon i invershon duradero. Desaroyo (sosial-)ekonómiko lo ta para sentral den esaki. Esei nos lo trata di logra dor di atraé kompanianan ku ke establesé un relashon duradero den e Reino Hulandes nobo.

Organisashon i programashon
Na Den Haag lo organisá un kongreso, tayer, i un programa intensivo pa hasi enkuentro. Señor mr. R. Luchtenveld (Ruud), presidente di ‘Stichting KoninkrijksSamenwerking (SKS)’ lo ta presidente riba e dia di e kongreso aki. Diferente orador di e dos ‘paisnan nobo’ Curaçao i Sint Maarten, e pais eksistente Aruba, i e tres ‘munisipionan speshal’ Boneiru, Statia i Saba lo trata entre otro e siguiente tópikonan: e konfigurashon di energia duradero mas mihó, hasi negoshi den un Reino Hulandes nobo, kambia e moneda pa dòler Merikano, e sistema di belasting nobo, ets. Pa mas informashon bishita: InterExpo.biz of CaribbeanIslandPride.org.

SKS ta buska “e konfigurashon di energia duradero mas mihó pa Karibe Real”
Durante e di 13 ‘handelsmissie’ ‘Stichting KoninkrijksSamenwerking’ ta organisá su kongreso ku e tema ‘Energia duradero den e partinan Karibense di Reino Hulandes’. E punto di salida di e inisiativa aki ta ku e islanan Karibense ta sumamente adekuá pa usa fuentenan di energia alternativo kual por sòru pa un redukshon den uso di energia, stimulá mantenshon di naturalesa i krea empleo permanente. E resultado lo mester ta un modelo ku por wòrdu implementá i ser karga ampliamente dor di siensia, habitantenan lokal, gobièrnu i suministradónan di energia.

Enkuentro
Durante e parti di enkuentro e 6 islanan Hulandes-Karibense i Hulanda lo tin kombersashon tokante desaroyá relashonnan pa traha huntu nobo i utilisá e oportunidatnan riba merkadonan na ámbos banda. E eksposishon ta duna kompanianan i instansianan partisipante e oportunidat pa profilá nan mes na esunnan ku ta bishita e kongreso aki.

Oportunidatnan riba e islanan Hulandes Karibense
E struktura estatal nobo i e oumento ekonómiko di e partinan Karibense di Reino Hulandes ta brinda oportunidatnan eksepshonal na negoshinan di Hulanda. E islanan ta desaroyando den ful swing i ta den nesesidat pa partnernan sólido, suministradónan, ehekutornan/ eksportadornan i invershonista. E struktura estatal nobo ta nifiká ku e Reino Hulandes nobo tin di kumpli ku e legislashon Hulandes. Pa e kompanianan Hulandes ku na e momentu aki ta wòrdu konfrontá ku un situashon ekonómiko malu esaki ta brinda nan oportunidatnan nobo.

Tokante di e organisadó
For di 1996 InterExpo Caribbean N.V. ta organisá ‘handelsmissies’, kongresonan i evenementonan di karakter internashonal. Por ehèmpel den Karibe, Hulanda, Europa, Asia i Nort Amérika i Latinoamérika. E aktividatnan ta dirigí riba ekspanshon i establesementu di relashonnan ekonómiko i polítiko stabil, ku konsentrashon spesífiko riba desaroyo duradero. Asina evenementonan ya organisá a trata ku energia generá dor uso di solo i/òf bientu, salú, seguridat i medio ambiente, maneho di awa, deporte, i tambe hasi negoshi duradero den área di Karibe.

===================================================================

Nota pa redakshon
Pa mas informashon tuma kontakto ku:

InterExpo Caribbean N.V., Donald Coffie,
Selular : 0031 62527 6431/ 0031 61524 1619
‘E-mail’: peter@interexpo.biz,
Wepsait: www.interexpo.biz

St. Koninkrijkssamenwerking,
Theo W.A. Sterk, sekretaria asistente SKS,
Telefon: 00031- 73648 8600,
‘E-mail’: secretariaat@koninkrijkssamenwerking.nl
Wepsait: www.caribbeanislandpride.org

Un kontinuashon di e ‘handelsmissie’ lo tuma lugá di 29 novèmber na Bèlgika (Antwerpen/ Brussel).